بيت التلج
بيت التلج ده
بيت من اجمل البيوت اللى بنعملها
وقت الشتاء
بنضحك ونتفنن فيه واحنا بنبنيه
وبيكون حلو ونقى اوى اوى لانه من التلج
تلج الشتاء
لكن عمره بيكون قصير اوى
اوى
وبينتهى مع اى حراره قليله
بيت التلج ده
زى تمام بيت الوزجه التانيه
لان الزوجه التانيه بيتها بردوا بينتهى مع اول مشكله
انا مش هتكلم كتير عن الوزاج او الزوجه التانيه
انا عاوزه اقول لكل زوجه اوعى تسيبى فرصه لزوجك
انه يستمتع ببيت التلج اللى ممكن يعمله لوحده لو انشغلتى انتى عنده
بحياتك جوه البيت
او الاولاد
لانك انت اللى هتتأثرى بشكل اقوى
من اى حد تانى
وهتتاثر انسانه تانيه
كانت فرحانه ببيت التلج اللى عملته
من
الشتا ء
posted by روح شرقيه @ 3:52 PM
18 Comments:
موضوع قوى جدا
وتشبيه بليغ جدا
وفعلا اى واحد متجوز بيفكر فى واحده تانيه انا بحس انها هى اللى اديتو الفرصه دى لانها معرفتش تحافظ عليه من الاول
وفى الاخر هى بتنجرح وبتجرح واحده تانيه وهو كمان
انا كنت اعرف واحده زملتنا اتجوز واحد متجوز يس لانها ليها ظروفها
وفعلا وكانها بنت بيت تلج
انها ر عليها مع اول حرارة صيف
تحياتى
الجواز التانى دا مشرووووع فااااااشل
...........
سيبك انتى
ازيك بقة وعاملة ايه
وحشانى خاااالص
...............
انا بحييكى على البوست التحفة دا
انا متفقة مع سمسم ان التشبيه فى قمة الروعة
تحياتى
:)
بيت التلج
بيت التلج
يا تري فيه كم بيت تلج في العالم بتاعنا؟
في بيوت تلج كتير صناعها باخفاء مشاعرنا واهمالنا في حق من نحب
واستجابة لدعوتك الجميلة وموضوعك الراقي
تعالوا كلنا ندوب التلج اللي بينا
وانا عن نفسي علي طوال بحب اجي عندك عشان اتدفي
او احلم بالدف
السيدة الكريمة
في أول زيارة لي -وهي زيارة تشرفني وتتوج عنقي- أجد ذاك الموضوع الشائك. ولا أقول ذلك لأني رجل، ولكني أقول ذلك لأن هذة المشكلة من صنع رجل قاس وامرأة متمردة!
وفي اعتقادي أن للرجل الدور الأكبر في خلق تلك المشكلة التي ما أبدت المرأة اعتراضاً عليها حتى قبل ثورة 19 حسب ما نمى إلى علمي، وكان ذلك يتم على الرغم من فظاظة الرجال وخشونتهم في عرض تلك المسألة.
ومعروف شرعية حلية الزواج لأكثر من امرأة للرجل الواحد، وكم أسلم أناس كثيرين بسبب ذاك الحكم الذي قضى على مشكلة من أهم مشاكل العصر وهي الزنا وانتشار البغاء ذلك لكثرة أعداد النساء على الرجال. كما كان في تعدد الزوجات الحل الأمثل في القضاء على ما يجنح إليه الخارجين عن فطرة الله التي فطر الناس عليها من الشذوذ والمثلية، فالحمد لله في شرعنا الحنيف متسع وحل لكل مشاكل البشرية.
أما عن الرجل الغليظ في عرض المسألة على امرأته التي فاقت الأجداد في التعليم والفلسفة الفكرية ولم تتأسس على خلفية دينية تسمح لها بالرضا بمثل ذاك الأمر وكذا ما فعله الأعلام وحركات تغييب المرأة وغيرها فليس ذلك من الحكمة بمكان. فكثير من الرجال يستغلون ذاك الأمر لمعاقبة نسائهم كما يفعلون في إستغلالهم السئ لحق الطلاق وإذلالهم إماء الله وكسرهم القوارير وصية رسول الله صلى الله عليه وسلم الرحيم. وبالمثل قامت المرأة باستغلال قانون الأحوال الشخصية ومحكمة الأسرة والخلع للرد على تلك الأمور التي قد استقرت في قاع كلا من الجنسين إما لخلفيات شخصية أو لتجارب الآخرين ومكانيكيات الدفاع النفسي وأسلوب التربية وخلافه.
وكل ما أريد أن أخلص منه ياسيدتي -وأعتذر عن الإطالة- أن تصرفات الأشخاص الفردية لا تدعونا أبداً إلى تعميم الحكم على كل الحالات وإلا سنكون قد أسهمنا -بدون قصد منا- في إعطاء أعداء الإسلام مادة خصبة للإعتداء على شرع الله. فالتصرفات الشخصية لا تسيء أبداً إلى الشريعة الغراء التي طبق هؤلاء منها جزءاً وتركوا الآخر.
أسأل الله أن يغفر لنا تقصيرنا ويهدينا إلى سواء السبيل
أعتذر مرة أخرى على الإطالة
إحترامي وتقديري
ايه ياروح المواضيع الى هتعمل بلبله فى البلوج دى
مع ان الكلام موجه للستات وانا مش منهم
والمتجوزين وطبعا مش منهم برضوا
لكن برضوا هحط مناخيرى واعلق
انا اعتقد ان الموضوع ولا بيت من تلج ولا بيت من نار
المسئله ببساطه بيكون تقصير من احد الاطراف فى حق الطرف الثانى
ليجد الطرف الثالث الفرصه سانحه لياخذ نصيبه مستقطعاً من حق الطرفين الاول والثانى
تعليق معقد صح
بس هو كده
تحياتى
تشبيه جميل ومدونة أجمل
اول مرة أزورها
دمت بود
السلام عليكم
اول زياره لمدونتك ولن تكون الاخيره
ومعلش هى جت متاخره شويه
بس بجد مدونتك جميله
والبوست اجمل
تسلم ايدك
ويسعدنى التواصل معك
تقبلى تحياتى
التشبيه هنا بجد رائع و عجبني جدااااا
semsem ...
سمسم فنانتنا الجميله
منوارانى
انا متفقه معاكى جدا ان ديما فى معظم الحالات بتكون بسبب تقصير من الطرفين
وخصوصا الزوجه لانها فى بعض الاحيان ما تقدرش تفهم شخصيه زوجها واحتيجاته منها ايه
انا بردوا مش ضدد الزواج التانى لان احيان بتجبرنا الظروف لده
لكن انا مش من المؤيدين لبيوت التلج او لبيت الزوجه التانيه لانها عمرها ما هتحظلى بما حظت به الاولى
متشكره جدا يا سمسم لوجودك وديما تنورنى مدونتى
وتسعدينى بتعليقاتى الجميله
Hadota .. حـدوتة..
هو مش فاشل اوى يا حدوته
انت ليه داخله سخنه اوى كده على الجواز التانى اسكتى لا ينكتب علينا نكون من الناس اللى بتتجوز جوازه تانيه
ههههههههههههههههههههههههه
انا يا سيتى كويسه الحمد لله وبخير ومفتقداكى كتير
اشتقتلك يا حدوته
واشتقتك لتعليقاتى المجرمه
انا كمان متفقه مع معاكى ومع سمسم بس
بردوا انا مش ضدد
الجواز بشكل عام اذا كانت هناك ظروف تحترم
تحياتى ليكى يا حدوته كمان وحشتينى اوى
ساعد نسرين الايمن...
انت تشرف فى اى وقت المودونه مدونتك
وبجد بفرح جدا لما بلاقيك موجود
بحب اطمن عليك وعلى اخبارك
انا كمان معاك فى دعوتك اننا ندوب التلج اللى بقى مغلف مشاعرنا
ان الاوان اننا نحب حياتنا ومندورش على اسباب للكره فيها
عن جد دعوتك انت احلى ووجودك كمان اجمل
تشرفنى ديما
بس مش فى الشتا بس
لانى كده هضتطر اعمل بيات صيفى طول الصيف لان محدش بيحب الدفا فى الصيف
هههههههههههههههههههه
على كل حال انت تشرف فى اى وقت ويارب ديما تكون بخير وصحه
Whispers just for a Night
اهلا بك سيدى الفاضل
قبل اى شئ اتوجه بالشكر لشخصك الكريم وايضا لمرورك على مدونتى وتشريفى بالتعليق عليها
وما يسعدنى اكثر انك وانت رجل تعترف ان هناك رجال فاقت فظاظتهم الوصف وكلمات التعبير التى يمكن ان تستخدم لان هناك بالفعل من لا يحترم المرأه بل وايضا يستغل حق اعطاه الله له فى ازلالها واهناتها لمجرد ان يكون هو السيد
و حق الطلاق الذى حلله الله كما حلل التعدد فى الزواج ولكن الله عز وجل امر بالعدل بين الاثنين ولكن ما اراه لكل او لمعظم التجارب التى حدثت امام عينى للزوجه الثانيه هو ما جعلتنى اتحدث للجميع فى مدونتى محذره اذا كان ليس هناك ضروره قصوى للزواج من ثانيه ان يتم محاوله لمعالجه العيوب الموجوده فى البيت الاول وانقاذه بدلا من هدمه او من بناء بيت اخر لزوجه ثانيه ليس من المؤكد نجاح استمراره
واتفق معاك كليتنا فىما قلته ان البيت الثانى ما هو الا ناتج لزوج قاس وامره متمرده لان كلتاهما رفض الحوار والحلول ووجد طريقه لمعالجه حياته على حساب الاخر
اشكرك سيدى الفاضل على تعليقك وتوضيحك واضح ايضا لكل وللجميع اننى لست ضدد ما حلله الله ولكن ما رأيته من تجارب اثبت لى ان للرجال حق يستخدمونه بدون مراجعه شروط استخدامهم لهذا الحق
ارجوا لك دوام التوفيق
momken
هو فعلا معقد اوى يا ممكن بس واضح مووت عندك حق
انا متفقه معاك بس ده ما يمنعش انك تشرحلى تعليقك ده كويس اول ما ارجع مصر لانى هعمل مش فاهماه
بالمره
طمنى عليك وعلى اخبارك
صاحب المضيفة
اهلا وسهلا بك اخى الكريم
نورت المدونه وشرفت صاحبه المدونه لعلها تكون المره الاولى وليست الاخيره انشالله
جزاك الله خيرا وادام عليك الصحه والعافيه
صالح سعيد
اهلا اهلا اهلا
اخيرا نورتنى هنا
يا تولتوميت مرحبه بيك فى اى وقت
ازيك صالح سعيد
انا لسه عند رأى فى كلماتك انها مجرمه بس ممتعه وبسيطه موت
ولسه بردوا بدعيلك نف الدعور ربنا يكتبلك نصيب من اسمك وتكون حياتك كلها صلاح من الله وسعاده انشالله
اتشرفت بوجودك
وسعيده جدا لتشريفك ده
عن جد متشكره لوجودك
S H A H...
مش قادره اقولك اد ايه سعيد ان برغم انشغالك مع ماما الا انك بردوا شرفتنى هنا
اتمنى تكون بخير وسلامى كتيير لست الحبايب
ويارب ديما تكون ايامك كلها خير
بس خد بالك بقى من الوزن لان صعب ان تخس لكن سهل موووت انك تزيد واسألنى انا
بضعف ادام الاكلات المجرمه اللى بتعملها الحاجه بس تقول ايه مش بقدر اقاوم
بحاول بس اعمل رجيم قاس قبل نزولى مصر عشان عارفه النتيجه بعد الاجازه
ربنا يديمها نعمه عليك ويحفظلك كل اللى بتحبهم
نورتنى شاه
تحياتى
اصبحت بيوت الثلج كثيرة
وتحياتى لكى
رئـــــيسـة حزب الأحلام ...
هلا ومرحبا
انا متفقه معاكى جدا ان فعلا باتت هذه البيوت اكثر بكثير مما نتخيل ولكن السؤال الذى يشغل عقلى هو لما كثرت تلك البيوت ومن هو السبب الرئيسى لوجودها بحياتنا
هل
هى
ام
هو
من منهم السبب
انها مشكله سببها الاثنين
تحياتى وشرفنى وجودك
Post a Comment
Subscribe to Post Comments [Atom]
<< Home