حلم الشتاء

Tuesday, February 26, 2008

الشخصيه....المصريه






اصدقائى
هناك الكثير من
الشخصيات التى نتعامل معها يوميا
منها شخصيه عاديه واخرى مرحه وثالثه متفاعله
الكثير منهم اتعامل معهم مباشره دون حواجز وتدور بيننا الاحاديث القصيره و الطويله احيانا
ولكننى انتبهت لشئ هام حدث معى شخصيا
وهو ان معظم من اتعامل معهم يتأثرون بشكل ملحوظ باسلوب او بطريقه الشخصيه المصريه بل ,
يحاولون تقليد طريقه المصريين فى التعامل او فى الكلام
او حتى فى طريقه الاعتراض مستخدمين كلمات وجمل لا نسمعها الا فى الافلام المصريه الحديثه الكوميديه والقديمه وكأن الرجل المصرى اصبح متمثل فى الكوميديان الذى يظهر لنا فى الافلام المصريه

ومعظم الفتيات اما راقصات من شارع عماد الدين او شخصيه السيده السيئه الخلق الموجوده بالحاره او سيده شارع ممن يتمثلون فى شخصيه خالتى فرنسا وغيرهم

وهذااثار فضولى واشعل بداخلى تساولات كثيره لماذا لا يعرف عنا الاخرين
اصولنا؟؟؟؟
ولماذا؟
تظهر التسأولات وعلامات التعجب على وجوه الكثيرين ممن نتعامل معهم؟
ولا يصدقون
ان هناك مصريين مثقفين وكثيرين منهم علماء ونوابغ وبارزين فى مجالاتهم
يشتى انواعها؟


حقيقه الامر عند تعرضى لمثل هذه التساولات.... فى بدايه الامر كنت اتحفز كثيراواواجهه من يناقش هذا الامر معى بشكل مغلف بنوع من العصبيه.....!

ولكن منذ فتره بدأتاتعامل بوجه اخر
به نوع اكثر من الهدوء وبدأت اوضح ان ما يبثه الاعلام ليس سوى كوميديا وان المشكله ليست فى طبيعيه الشخصيه المصريه ولكن المشكله فى ان من يتعامل مع الشخصيه المصريه يتعامل بمنطلق التهريج
قالت لى صدديقه من تونس ان
الفكره العامه عن المصريين سيئه بدرجه غير عاديه
فهم يتكلمون كثيرا ويقومون بتقديم وعود فى كل شئ دون تنفيذها
وايضا مجامليين يشكل مخيف وكثير من العيوب الاخرى

ولكننى تناقشت معها واشتركت معنا بالنقاش صديقه اخرى لبنانيه
والحمد لله لم تكن هى الاخرى ممن يهاجمون الشخصيه المصريه لان لها الكثير من الاصدقاء المصريين وقد علمت الكثير من طبائعهم
لم ابدأ معهم فى دفاع ولكننى تمسكت بنظريه ان هناك وجهان للعمله الواحده كذلك البشر والشعوب كل منهم له طابعه وليس هناك ضروره ان نبنى حكم او راى على شعب من مجرد التعامل مع شخص واحد او مجموعه
وايضا لا يمكن ان يكون الاعلام والافلام التى تبث بالخارج هى الشئ الوحيد الذى يتم التعرف علينا من خلاله
فى الحقيقه كنت اغضب كثيرا عندما اسمع مثل هذه التعليقات فى بدايه الامر لكننى الان اتحدث لمن يذكر ذلك امامى ولا اتركه الا بعد ان يعرف جزء بسيط عن

جمال

وسحر
وبساطه
الشخصيه المصريه

16 Comments:

At February 26, 2008 at 1:42 AM , Blogger momken said...

الله ...الله ....الله

تحليل جميل ووقفه كلنا بنقبلها لما نسافر بره مصر خصوصا فى بعض الدول العربيه التى يتواجد فيها العديد من الجنسيات

فعلا اغلب دول غرب افرقيا والمغرب العربى متاثرين جدا بلافلام تالمصريه ومتصورين ان هذه الافلام تعد تسجيل لواقع حال المصرين
لا يعلمون اننا نسخر من مشاكلنا لنهونها على انفسنا
المغرب العرب يعتقد ان مصر هى ليالى الحلميه ...والشوارع الخلفيه... وبنات الليل
والمراقص
والفنداق الفاخره فى شرم الشيخ
وزجاجات الخمر والسيجار
والمايوهات... وايضا الجلاليب البلدى والطرحه السوداء

نيجى للخليج العربى
متصورين ان كل المصرين هم العاملون هناك فى اعمال رثه ان من عندهم مجرد عينه لمن هم موجودون فى مصر
فالخليجين يعتقدون ان المصرى هو الشخص بتاع كله المخلص الفتك الى بيتكلم كتير جدا وفاتح صدره وميقدرش يعمل اى حاجه
ومتصورين هو ذلك الشخص الذى يكاد يقدس الريال او الدينار
او السيده الخادمه
او المطربه
او الراقصه
انتى فعلا يا ان فتحتى موضوع مهم جدا جدا
على كره الحكايه دى دخليه ايضا
فالغلب المصرين يعتقدون ان اهل المنوفيه لهم بعض الصفات الخاصه
وايضا اهل دمياط
والصعيده
والسوحليه
يعنى مثلا المنافيخ بيقولوا عليهم بخلا
والدمياطه معفنين واكثر بخلا
والصاعيده اغبياء
والسوحليه كلمنجيه
طبعا انا بضرب امثله مش باكد كلامهم

موضوعك عجبنى جدا
وحاسس انى رغيت فيه كتيييير اوى

تحياتى

 
At February 26, 2008 at 4:50 AM , Blogger روح شرقيه said...

ممكن
___________
يا ممكن انت ياللى مش ممكن
الله عليك انت
يا ممكن
انت ديما كده تكملى وتكملنى
عقبال يا سيدى ما تحن وتكلمنى ههههههههههههههه
الحقيقه انت وفيت التوضيح الخاص بالشخصيه المصريه
وعن جد نفسى النظره دى تتغير
بس الاهم انك انت اللى
لازم يا ممكن تغير فكرتك عن المنايفه و بالاخص المنايفه علشان الحاجه ام روح ما تزعلش منك
عن جد وحشتنى كلماتك جدا وانتقضاتك ووجودك
وديما منورنى هنا وفى كل مكان

 
At February 26, 2008 at 7:27 AM , Blogger Ahmed Mostafa said...

عجبني اسلوبك جدا
بس ياريت بيتقال علينا كده بس
ده ماخفي كان اعظم
ده انا بسمع اهوال خاصة من بتوع الخليج
عايزين نشوفك في بلوجنا
عيش وحلاوة بقى

 
At February 26, 2008 at 8:33 AM , Blogger واحده من الناس said...

أولا المدونه جميله بأسلوب صاحبتها الجميل وعرضها المميز لكل موضوع مكتوب...

والحمد الله أتا بقه فهمت اللي مكتوب مع انك مافهمتيش اللي انا كتباه يمكن ماعجبكيش أو فعلا في مشكله يا في البلوج يا في النضّاره؟؟..

بس ماعلينا بشكل عام بسعد بكل وجه جديد وبتمنى أشوفه باستمرار عندي ونورتيني..

أما عن نظرة الأخوه العرب لينا اعتقد ان احنا كمان ساعات بنطلع القطط الفاطسه فيهم..
تقدري تقولي نوع من العصبيه القبليه وان كل واحد شايف بلده أحسن بلد
ده غير ان احنا ساعات بنحكم على البلد من حكامها مش محكومينها..
والخلاصه زي مانتي قولتي كل عمله لها وجهان واللي شايف وجه واحد بس يبقى المشكله عنده هو..

تحياتي

 
At February 26, 2008 at 12:59 PM , Blogger بنت الاسلام said...

لاشك أن الشعوب تختلف

وكما تختلف الافراد

ولاشك ان اللهجات تختلف

كما تختلف المناطق واللغات


اختي

اعذريهم


ربما لم يعرفوا عن الشخصية المصرية شيئا

سوي مايرونهم عبر وسائل الاعلام

فبنيت الفكرة بداخل عقولهم علي هذا الاساس

احسنتي بتقبلك اياهم بصدر رحبة

وعلي راي المثل

تعرف فلان اه

عاشرته لا

تبقي ماتعرفهوش

تحياتي

 
At February 26, 2008 at 1:14 PM , Blogger بنت الاسلام said...

لاشك أن الشعوب تختلف

وكما تختلف الافراد

ولاشك ان اللهجات تختلف

كما تختلف المناطق واللغات


اختي

اعذريهم


ربما لم يعرفوا عن الشخصية المصرية شيئا

سوي مايرونهم عبر وسائل الاعلام

فبنيت الفكرة بداخل عقولهم علي هذا الاساس

احسنتي بتقبلك اياهم بصدر رحبة

وعلي راي المثل

تعرف فلان اه

عاشرته لا

تبقي ماتعرفهوش

تحياتي

 
At February 26, 2008 at 1:16 PM , Blogger ساعد نسرين الايمن said...

روح شرقية

مش تتصوري فرحتي بتكون اد ايه لما امر عنك في مدونتك اللذيذة الشيقة

عرض تحليلي اكثر من رائع احييك عليه
كانك تحيين وسطنا هنا
حيث نظرة الناس هنا فكل مصرية في وجهة نظرهم نسخة من سهير زكي او روبي
وكل مصر حرامي

دعك من محاولاتهم السخيفة جدا في تقليد المصريين
- بقولك ايه
مينفش يا حج
فول وطمعية

علي مستوي الازقة والشوراع الجانبية هنا
الاسم الحركي للمصريين
ابو صرة
او علي عوش

احيانا اشعر ان اسوا حاجة في اي مكان في العالم انه يتعرف انك مصري
وده كله بسبب حسني طبعا
ايام عبدالناصر وثومة وعبدالحليم مكنتيش كده
وكان نماذج المصريين وصورهم جميلة جدا
وده كان بيبقي واضح من ان المصري زمان كان قدوة
انما دوقتي المصري بيبقي لمبي او شنكوتي
ومنه لله حسني مرة تاني
والمثل دوقتي بيقول لو لم اكن مصريا لوددت ان اكون استراليا او كنديا

بس اهل المغرب والامارات وسلطنة عمان بيحبوا المصريين بشكل معقول
يمكن ديه بس الشعوب اللي بتحب المصريين

بجد كلامك وتحليكي رائع
وشكرا اوي انك ضيفتني عندك

 
At February 28, 2008 at 4:14 AM , Blogger روح شرقيه said...

modhash afandy
................
هلا
منورنى والله
انا بسمع كتييييير وبقابل مشاكل كتير بسبب الفكره دى بس حقيقى بحاول اكون اهدى وبتحكم فى ردود افعالى لانى بالقى استنكار وتشكيك من اللى ادامى من رده فعلى دة وفى منهم بيكونوا كتير طيبين وبتكون بدايه صداقه
ادعيلى بقى اقدر عليم
وميرسى لوجود
ويشرفنى طبعا انى اجيلك
لانى بحب العيش والحلاوه
مووووت
تنورنى ديما بوجودك

 
At February 28, 2008 at 8:53 AM , Blogger روح شرقيه said...

أوشــــــه
>>>>>>>>>>
ميرسى جدا يا اوشه
عن جد متشكره كتير لكلماتك الجميله
انا سعيده جدا بوجودك وبتعليقاتك واوعدك انى راح اغير عدسات نظارتى
الله انا معنديش نظاره يا اوشه
هههههههههههههههه
بس بردوا علشان خاطر عيونك انتى راح اغيره
انا معاكى ان فعلا كل واحد بيشوف بلده اجمل بلاد العالم بس صدقينى
الشخصيه المصريه فيها اللى مش عند كتييييييييييييير من الشخصيات الاخرى باختلاف الاجناس
ويا سيتى هوعدك كمان انى مش هطلع فيهم القطط الفاطسه
راح اطلعها عليهم
ميرسى لوجودك عن جد بيسعدنى

 
At February 28, 2008 at 8:55 AM , Blogger روح شرقيه said...

بنت الاسلام
..............
مرحبا بيكى
بنت الاسلام نورتينى انا متفقه معاكى جدا ان فعلا الانسان مش بيعرف الطباع غير بالعشره
لكن فى ناس بتحكم من مظهر القشور الخارجيه
ربنا يبعدنا عن كل شر ويهدينا جميعا
شرفتينى بوجودك

 
At February 28, 2008 at 9:00 AM , Blogger روح شرقيه said...

ساعد نسرين الايمن
................
بتشكرنى على ايه
على انى ضفتك ده شرف ليا
يا حب نسرين الاوحد
عندك حق فى كل اللى قلته انا مش قادره اوصفلك اد ايه الناس بتستغرب من كونى مصريه لاء والادهى انهم بيشككوا فى ده بس الحمد لله كتير نم المصرييين بيحاولوا يوضحوا الصوره الصحيحه
.
على فكره انت وجودك يشرف اى مكان انت فيه
ارجوا انك تشرفنى ديما
وميرسى كتيييييييييييييير
وماتخبيش انك مصرى تانى لان المصرى ده اجمل راجل ربنا خلقه
اتفقنا
طمنى عليك وعلى نسرين
عن جد بيسعدنى وجودك

 
At March 2, 2008 at 3:00 PM , Blogger Sumaya Rabie said...

ربنا يكرمك يارب
والله المصريين دول جدعان وكويسين
انتي عارفة المسلسلات ديه معظمها ما بيعبرشي عننا اطلاقا ومش بنحس فيها اننا بنتفرج على ناس زينا
دايما بيجيبوا يا الناس اللي تحت أوي يا الناس الي فوق أوي مش احنا يعني
دافعي عننا دايما وقولي ان احنا بريئين من الإعلام ده

 
At March 3, 2008 at 10:57 AM , Blogger Moustafa` said...

السلام عليكم
بدايه ..كل سنه وهو طيب
وشكرا كتير ليه لأنه سبب فى دخولك للعالم الجميل بتاعنا ده
ومنوره بجد
ثانيا بقه
تحليلك فوق الرائع فعلا
بعد كلام ممكن وردك عليه
لا املك إلا أن أقول
مش كل الفاكهه اللى ف السبت بتبقى حلوه..ومش كلها بتبقى وحشه
التعتيم على الجوهر والأصل بتاعنا فاق المدى..فعلا شخصيه عبود الجرم
الفتوه ..والمقطع ..وعبده الروش
وكل الاكلشهيات دى بتخلينا قوالب جامده
ثقافتنا بقت مضروبه بس فى فئه لسه بخير
ياريت تغير نظره المجتمع لينا
نظره العرب لينا
نظره الغرب لينا
بجد لو التزمنا بالاسلام صح
هنبقى جنان ..نموذج مثالى لل‘حتذاء
تحياتى كتير يا روح طيبه

 
At March 20, 2008 at 5:37 AM , Blogger روح شرقيه said...

s@gi l'ombre
>>>>>>>>>>>>
انا متفقه معك جدا
شكرا كتير لمجاملتك الرقيقه
وشكرا ايضا لوجود

 
At March 20, 2008 at 5:40 AM , Blogger روح شرقيه said...

Somaia
........
اهلا بيمى يا سمسمه
منوارانى طبعا المصريين فيهم جدعنه مش فى حد
ربنا يسمع منك ويكرمنا جميعا
شرفتينى
وميرسيى لدعواك الحلوه

 
At November 2, 2018 at 6:30 AM , Blogger Unknown said...

شركة مكافحة حشرات بالدمام
شركة تسليك مجاري بالدمام
شركة المثالية للتنظيف
شركة المثالية لتنظيف المنازل
شركة المثالية لتنظيف المنازل بالدمام
شركة المثالية للتنظيف بالدمام
شركة تنظيف بالقطيف
شركة تنظيف منازل بالقطيف





 

Post a Comment

Subscribe to Post Comments [Atom]

<< Home